3 nömrəli tam orta məktəbdən verilmiş məlumatda qeyd olunur ki, sosial şəbəkədə yayılan videogörüntü martın 13-də Əmək Məcəlləsinin 70-ci maddəsinin “ç” bəndinə əsasən işdən azad edilmiş keçmiş təsərrüfat müdiri tərəfindən çəkilib.
Lent.az xəbər verir ki, bu barədə 3 nömrəli tam orta məktəbin məlumat yayıb.
İşdən azad edilməsinə baxmayaraq həmin şəxs davamlı olaraq zorla məktəbə daxil olur, təhsil müəssisəsinin iş ahəngini pozur.
Hər dəfə xəbərdarlıq edilsə də, müxtəlif təhdidlərlə məktəb rəhbərliyinə hədə-qorxu gəlir. Bununla bağlı hüquq-mühafizə orqanlarına məlumat verilib.
Qeyd edək ki, keçmiş təsərrüfat müdirinin məktəbin fəaliyyətinə ciddi maneə yaradan əməllərindən (siqnalizasiya, istilik, işıq sisteminə müdaxilə edir, yerə su tökür və s.) narahat olduğumuz üçün mühafizəçiyə onun məktəbə daxil olmasına icazə verilməməsi tövsiyə olunub.
Bu kimi hallardan dərin təəssüfümüzü ifadə edir, məktəbin normal iş ahənginin qorunması üçün bütün qanunauyğun tədbirlərin görülməsi diqqət mərkəzində saxlanılır.
***
10:19
Bakı şəhəri R.Əliyev adına 3 nömrəli tam orta məktəbdə direktorla işçilər arasında mübahisə yaşanıb.
Lent.az xəbər verir ki, bununla bağlı sosial şəbəkələrdə video paylaşılıb.
Qeyd olunur ki, məktəbin direktoru qapıları bağlatdıraraq, bir qrup müəllim və işçinin içəri daxil olmasına maneə yaradıb.
Hadisənin hansı səbəbdən baş verdiyi məlum deyil.
Lent.az məsələ ilə bağlı məktəblə əlaqə saxlayıb. Məktəbdən verilən məlumata görə, videoda görünən şəxs məktəbin direktoru deyil:
"Videonu çəkən şəxs məktəbin direktoru Almaz Həsrət İsrayıl deyil, əvvəllər təsərrüfat üzrə müdir vəzifəsində çalışan şəxsdir. Onun diplomu olmadığı üçün işdən azad olunub. Digər məlumatlar ətraflı veriləcək".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
