Zibilyığan avtomaşınların bölüşdürülməsi başa çatıb

“Təmiz Şəhər” Səhmdar Cəmiyyətinin balansına verilən texnikanın bir hissəsi regionlara göndərilib

Mənzil-kommunal təsərrüfatının maddi-texniki bazasının yaxşılaşdırılması məqsədi Bakıya gətirilən 800-ədək kommunal təyinatlı texnikaların rayonlar üzrə bölüşdürülməsi başa çatıb. “İmprotex”, “Franklin”, “Aqrointer” və “Avtoaz” şirkətləri tərəfindən gətirilmiş həmin texnikaların bir qismindən Dənizəkarı Milli Parkda istifadə olunur.

BŞİH-dən Lent.az-a bildiriblər ki, kommunal təyinatlı texnika və avadanlıqlar Almaniya, Fransa və Yaponiyada istehsal olunan zibildaşıyan maşınlardan, küçətəmizləyən avadanlıqlardan ibarətdir. Bu texnikaların hamısı yeni yaradılan “Təmiz Şəhər” Açıq Səhmdar Cəmiyyətinin istifadəsinə verilib.

Müasir standartlara cavab verən bu müasir texnikadan Bakıda və ölkənin müxtəlif şəhər və rayonlarında istifadə olunur.
Elxan SALAHOV