Bakıda hava küləkli, yağmursuz olacaq

Ekologiya və Təbii Sərvətlər Nazirliyi Milli Hidrometeorologiya Departamenti yaxın 3 gün ərzində gözlənilən hava şəraiti barədə proqnozlarını açıqlayıb. Lent.az-ın nazirliyin rəsmi saytına istinadən verdiyi məlumata görə, sentyabrın 6-da Bakıda və Abşeron yarımadasında hava şəraitinin əsasən az buludlu olacağı, yağmursuz keçəcəyi və cənub küləyi əsəcəyi gözlənilir.

Havanın temperaturu gecə 20-24, gündüz 32-35 dərəcə isti təşkil edəcək.
Abşeron çimərliklərində dəniz suyunun temperaturu 22-23 dərəcə isti olacaq.
Sentyabrın 7-də Bakıda və Abşeron yarımadasında hava şəraitinin az buludlu olacağı, yağmursuz keçəcəyi, şimal-qərb küləyinin gündüz cənub küləyi ilə əvəz olunacağı gözlənilir. Havanın temperaturu gecə 21-24, gündüz 30-33 dərəcə isti təşkil edəcək.

Sentyabrın 8-də hava şəraitinin dəyişkən buludlu olacağı, əsasən yağmursuz keçəcəyi, şimal-qərb küləyinin gündüz cənub küləyi ilə əvəz olunacağı gözlənilir. Havanın temperaturu gecə 20-24, gündüz 30-33 dərəcə isti təşkil edəcək.

Azərbaycanın rayonlarına gəlincə, sentyabrın 6-da hava şəraitinin yağmursuz keçəcəyi, şərq küləyi əsəcəyi, arabir güclənəcəyi gözlənilir. Havanın temperaturu gecə 20-24, gündüz 33-38, dağlarda isə gecə 13-18, gündüz 26-31 dərəcə isti olacağı gözlənilir.

Sentyabrın 7-8-də hava şəraitinin əsasən yağmursuz keçəcəyi, gecə və axşam bəzi dağlıq və dağətəyi rayonlarında şimşək çaxacağı, qısamüddətli yağış yağacağı gözlənilir. Şərq küləyi əsəcəyi, arabir güclənəcəyi gözlənilir. Havanın temperaturu gecə 19-23, gündüz 31-36, dağlarda isə gecə 12-17, gündüz 25-30 dərəcə isti olacaq.