Qubada ata 17 yaşlı qızını niyə bıçaqladı? - YENİLƏNİB

Oktyabrın 12-də Quba rayonunda atanın 17 yaşlı qızının bıçaqlaması hadisəsinin təfərrüatları məlum olub. Rayon Polis Şöbəsindən Lent.az-a verilən məlumata görə, Qonaqkənd kəndində Elxan Balayev qızı 17 yaşlı Günəş Balayevanı ürək nahiyəsindən bıçaqlayıb. Məlumata görə, 17 yaşlı G.Balayeva bir neçə ay əvvəl nişanlansa da, oktyabrın əvvəlində nişanını qaytarıb. O Yeni Talabıqışlaq kəndindəki ata evini tərk edib və Qonaqkənd kəndinə, babası evinə yollanıb. Bundan əsəbiləşən qızın atası onun geri qaytarmaq üçün Qonaqkəndə gəlib. Burada isə ata və 17 yaşlı qızı arasında münaqişə yaranıb.

Fakt üzrə Quba RPŞ-də araşdırmalar davam etdirilir.

***
12 Oktyabr 2012 21:17

Bu gün axşam saatlarında Quba rayonunda bıçaqlanma hadisəsi qeydə alınıb.

APA-nın şimal bürosunun verdiyi məlumata görə, hadisə Quba rayonunun Qonağkənd qəsəbəsi, Yeni Talabıqışlaq kəndində baş verib. Kənd sakini Elxan Balayev qızı 17 yaşlı Günəş Balayevanı ürək nahiyəsinə bıçaqla zərbə endirib.

Xəsarət alan şəxs ağır vəziyyətdə Quba Mərkəzi Rayon Xəstəxanasına yerləşdirilib. Onun vəziyyətinin ağır olduğu bildirilib. Hadisənin baş vermə səbəbi hələ ki məlum deyil.

Faktla bağlı araşdırmalar aparılır.