Dağlıq Qarabağın azərbaycanlı icmasının qurultayı keçirilir
05 iyun 2009 12:15 (UTC +04:00)

Dağlıq Qarabağın azərbaycanlı icmasının qurultayı keçirilir

Bu gün Opera və Balet Teatrında Azərbaycan Respublikası Dağlıq Qarabağ bölgəsinin Azərbaycanlı icmasının qurultayı başlayıb. Lent.az-ın əməkdaşı xəbər verir ki, qurultayda nümayəndələrininm 192 nəfəri və ya 55 faizi Qarabağ müharibəsi iştirakçılarıdır. Qonaq qismində Milli Məclisin deputatları, akkreditə olunmuş diplomatik korpusun təmsilçiləri, siyasi partiyaların, hüquq-müdafiəçiləri, beynəlxalq təşkilatların, dini konfessiyaların rəhbərləri iştirak edirlər.

Qurultayın gündəliyinə icmanın ötən dövr ərzindəki fəaliyyəti və qarşıda duran vəzifələrin müzakirəsi, nizamnamədə dəyişikliklər, birliyi yenidən formalaşdırmaq kimi məsələlər daxil edilib.

Qurultayda ilk olaraq Dağlıq Qarabağla bağlı film nümayiş etdirilib.

Tədbirin keçirilidiyi məkanın foyesində Dağlıq Qarabağla bağlı foto-stend nümayiş olunub.

İştirakçılara Dağlıq Qarabağla bağlı materiallar paylanıb.
# 514

Oxşar yazılar