İnsan bədəninin "qəribə" səsləri nə deməkdir?

İnsan orqanizminin yan təsirlərindən biri də müxtəlif səslərdir.

Lent.az xarici KİV-ə istinadən həmin müxtəlif səslərin bir qismini təqdim edirik:

Nəfəs alarkən və burundan nəfəs verərkən xırıltı...

Bir zərbədən və ya burnun hər hansı digər zədələnməsindən sonra belə bir səs eşidilməyə başlayırsa, bu, burun dəlikləri arasındakı qığırdaqların zədələnməsini göstərə bilər. Bu vəziyyətdə bir LOR və ya plastik cərrahla əlaqə saxlamalısınız.

Qulaqda səs...

Bir şəxs qulağında belə səslərdən şikayət etməyə başlayanda, bu, qan damarlarının tıxanması demək ola bilər. Qulaqlarınızdakı "qəribə" zəng və ya digər səs iki gündən çox davam edərsə və ya ağrı, başgicəllənmə ilə müşayiət olunursa, həkimə müraciət edin. İnfeksiya və ya nevroloji problemi yoxlamaq üçün həkiminizlə görüş təyin etməlisiniz.

Səslərin cırıltılı eşidilməsi...

Ağrı və ya sərtliklə müşayiət olunan belə bir səs bəzən yırtılmış vətər və ya bağ, qırıq və ya qığırdaq zədələnməsini göstərir. Səs daha çox cırıltı kimi eşidilirsə, qığırdaqların məhv olması səbəbindən osteoartrit yaranması mümkündür.

Mədədə gurultu...

Qarından müxtəlif "qəribə" səslər eşidilə bilər. Əgər bu səslər yüksək səslənirsə və onlara əlavə olaraq, bir şəxs ağrıdan şikayət edir, kramplar və ya ürəkbulanma yaşayır, lakin bağırsaq hərəkəti yoxdursa, bu, qismən bağırsaq tıkanıklığını göstərə bilər.

Ekspertlər bildiriblər ki, bu problem həm də həkim müayinəsini tələb edir, çünki cərrahi müdaxilə tələb oluna bilər.