Püreni dadlı edəcək bir sirli inqrediyent

Püre bir çox insanın sevimli qarniri olsa da, onu həqiqətən ləzzətli hazırlamaq hər zaman asan olmur. Yəqin ki, kartof pürəsinə müxtəlif inqrediyentlər əlavə etməyi sınamısınız bol kərə yağı və ya süd kimi.

Lent.az bu sirri inqrediyenti təqdim edir:

Əgər pürenin inanılmaz dərəcədə yumşaq, hamar və eyni zamanda doyumlu olmasını istəyirsinizsə, elə bir inqrediyent var ki, bəlkə də heç vaxt ağlınıza gəlməyib. Amma məhz bu inqrediyent pürenin “əsl kralı” ola bilər. Bu inqrediyent xamadır.

Əvvəlcə kartofu yaxşıca yuyub təmizləməlisiniz. Sonra bərabər ölçülü dilimlərə doğrayın. Kartofu böyük qazana su ilə qoyun, üzərinə azca duz əlavə edin və güclü odda qaynamağa qoyun.

Kartof təxminən 10-15 dəqiqə bişirilməlidir, o zamanadək ki, yumşalsın, amma hələ də bir az bərk qalsın. Hazırlığını çəngəl və ya bıçaqla yoxlaya bilərsiniz kartof asanlıqla qırılır və ya kəsilirsə, deməli, bişib.

Bişdikdən sonra suyu süzün və kartofu 5 dəqiqə süzgəcdə saxlayın. Bu, pürenin sulu olmasının qarşısını alacaq. Bu vaxt kiçik qazana bir xörək qaşığı kərə yağı və 50 millilitr tam süd əlavə edib zəif odda əridin. Sonra kartofu əlavə edin və əzərək homogen vəziyyətə gətirin. Nə qədər çox əzsəniz, püre bir o qədər havalı və yumşaq alınacaq.

Daha kremli konsistensiya istəsəniz, əlavə süd də qata bilərsiniz. Püre tamamilə hamar və dənəciksiz olduqda, ona turşməzə xama əlavə edin. Miqdarı dadınıza görə tənzimləyin. Ən sonda yeməyə duz və istiot səpib süfrəyə verə bilərsiniz.