Mədəniyyət və Turizm Nazirliyi və Bakı Şəhər İcra Hakimiyyətinin dəstəyi, Bakı Şəhər Mədəniyyət və Turizm İdarəsinin (BŞMTİ) təşkilatçılığı ilə keçirilən “Bakı gecələri – 2012” estrada mahnı festivalının qaliblərinin qala-konserti təşkil ediləcək. Lent.az-ın məlumatına görə, dekabrın 24-də Heydər Əliyev Sarayında keçiriləcək “Bakı gecələri – 2012” estrada mahnı festivalında, ümumilikdə 110 mahnı tamaşaçılar tərəfindən seçilmək üçün SMS və www.baku-art.az saytında keçirilən onlayn səsverməsinə çıxarılıb.
Qeyd edək ki, 21 mahnı “Bakı gecələri -2012” estrada mahnı festivalının qalibləri elan edilib. Qaliblər arasından mükafatçıları müəyyən etmək üçün həmin mahnılar noyabrın 25-dən dekabrın 15-dək “Araz FM - 103.3” radiosunun efirində səsləndirilməklə yenidən SMS və www.baku-art.az saytında keçirilən onlayn səsverməsinə çıxarılıb.
Qalib mahnılar qala-konsertdə tamaşaçılara təqdim olunacaq. Qala-konsertdə ən çox səs toplamış 3 mahnı mükafatlandırılacaq.
Mərasimdə birinci, ikinci və üçüncü yerlər müvafiq olaraq diplomlar və 5000, 3000, 2000 manat mükafat veriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
