Kann kino festivalının təşkilatçıları reper Kanye Uestin həyat yoldaşı Bianca Censorinin Qremmi mükafatlandırma mərasiminə tam şəffaf libasda gəlməsi ilə bağlı qalmaqaldan sonra çılpaq iştiraka qadağa qoyub.
Lent.az xəbər verir ki, tədbirin rəsmi internet səhifəsində verilən məlumata görə, qırmızı xalçada və ya festivalın hər hansı başqa yerində çılpaqlıq ədəbsizlik sayıldığı üçün qadağan edilib.
Bundan başqa festivalın qonaqlarına həcmli geyimlər, xüsusilə də qonaqların salonda oturmasına mane olan uzun qatarları olan paltarlar geyinmək, həmçinin idman ayaqqabısı ilə festival tədbirlərinə qatılmaq qadağan edilib.
Film nümayişlərində iştirak etmək üçün axşam kostyumları tələb olunacaq. Bu qaydalara əməl etməyən ulduzların qırmızı xalçaya girişi məhdudlaşdırılacaq.
Qeyd edək ki, Kann Film Festivalı mayın 13-dən 24-dək Kot d'Azurda keçiriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
