Hindistan sakini qısa fasilələrlə dalbadal 127 saat rəqs edərək dünya rekordu qırıb.
Lent.az-ın xarici mediaya istinadla məlumatına görə, 16 yaşlı Sruşti Sudhir Caqtap mayın 29-da səhər saatlarında məktəbin sinif otaqlarından birində rəqs etməyə başlayıb və iyunun 3-ü günorta saatlarına qədər musiqi sədaları altında hərəkətini davam etdirib. Ümumilikdə rekordçu 127 saat rəqs edib.
Hindistanlı qadın hind klassik rəqsinin növlərindən biri olan kathak ifa edib. Hər saat qıza beş dəqiqə fasiləyə icazə verilib. Bu fasilələri o, daha uzun fasilələr üçün toplayıb və fasilələri əsasən gecələr keçirib.
"Mənim məqsədim Hindistan mədəniyyətimizi təbliğ etməkdir", - o, Ginnesin Rekordlar Kitabının nümayəndələrinə deyib.
Əvvəlki rekord 126 saat olub və 2018-ci ildə nepallı rəqqasə Bandana Nepal müəyyən edib. Caqtap bunu bir saat ötüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
