15 may - Poeziya günü qeyd olunub
15 may 2009 20:15 (UTC +04:00)

15 may - Poeziya günü qeyd olunub

Bu gün Azərbaycan Dövlət Memarlıq və İnşaat Universitetində 15 May - Poeziya gününə həsr olunmuş tədbir keçirilib. Lent.az-ın məlumatına görə, Universitetin tələbələri tərəfindən təşkil olunan bu tədbirdə ilk olaraq aprelin 30-da Azərbaycan Dövlət Neft Akademiyasında törədilmiş terror aktında vəfat edən tələbələrin xatirəsi bir dəqiqəlik sükut ilə yad edilib. Daha sonra Azərbaycan Yazıçılar Birliyinin üzvləri Vaqif Bəhmənli, Tofiq Nurəli, Maarif Soltan çıxış edərək, şeirlərini səsləndiriblər. Tədbirdə həmçinin Universitetin tələbələri Fidan Məmmədzadə, Aydan Məmmədzadə, Əkbər İsmayıllı, Ayna Hacıyeva və başqaları yazdıqları şerləri səsləndiriblər.

Tədbirin sonunda müəlliflər öz kitablarını imzalayaraq, oxuculara hədiyyə ediblər.

Kimyə Rüstəmova
# 932

Oxşar yazılar