Saç tökülməsinə qarşı təbii xilaskar olan ən populyar giləmeyvə

Trioloqlar saçların möhkəmləndirilməsi və onların böyüməsinin sürətlənməsi üçün bu giləmeyvəni rasiona daxil etməyi tövsiyə edirlər.

Lent.az bu giləmeyvəni sizə təqdim edir:

Alimlər və həkimlər saçların möhkəmləndirilməsi və bərpası üçün getdikcə daha çox təbii vasitələrə diqqət yetirirlər. Buna görə də rasiona kifayət qədər məşhur və ucuz bir giləmeyvə əlavə etməyi məsləhət görürlər.

Saç sağlamlığı üçün qaragilənin (çernikanın) faydaları: bunu hər kəs bilməlidir
Qaragilə güclü vitamin tərkibinə malikdir – A, C, E və B qrupu vitaminləri, həmçinin antioksidant birləşmələri ehtiva edir. Bu maddələr birlikdə baş dərisində qan dövranını yaxşılaşdırır, bu da saç köklərini möhkəmləndirir və onların qırılmasının və tökülməsinin qarşısını alır. Xüsusilə qaragilədə antosianin adlı maddə qiymətlidir – bu güclü antioksidant qaragiləyə mavi rəng verir. Bu antioksidant birləşməsi sərbəst radikalların təsirini neytrallaşdırmağa kömək edir, bunun sayəsində hüceyrələrin qocalması prosesi ləngiyir. Məhz buna görə də qaragilənin müntəzəm istifadəsi sağlam, sıx və qırılmayan, tökülməyən saçların böyüməsinə kömək edir. Alimlər və trioloqlar saç tökülməsinin qarşısını almaq üçün qaragilədən daha tez-tez istifadə etməyi tövsiyə edirlər. Xüsusilə bu problem avitaminoz və ya stress ilə bağlı olduqda. Qaragilə əsaslı saç baxım vasitələri çoxlarına məlumdur. Kosmetik şirkətlər bu giləmeyvənin ekstraktını şampun, maska və kondisionerlərə əlavə etmək üçün çoxdan istifadə edirlər. Ekspertlər mövsümündə qaragiləni gündəlik rasiona daxil etməyi və qış üçün ehtiyat toplamağı tövsiyə edirlər. Onu mürəbbə, qurutma və ya dondurulmuş halda istifadə etmək olar – qaragilə emaldan sonra da faydalı xüsusiyyətlərini itirmir. Bu, yalnız saçları möhkəmləndirməyə kömək etməyəcək, həm də ümumi sağlamlığa müsbət təsir göstərəcək.