Hollivud ulduzu özünü hərraca çıxardı

Hollivud ulduzu Corc Kluni özünü hərraca çıxarıb.

Lent. az-ın xarici mediaya istinadən xəbərinə görə, Nyu-Yorkda aktyorla bir gecəlik “intim” görüşün ilkin qiyməti 10 min dollar təşkil edib. Hazırda hərracda Klunin qiyməti 31 min dollara çatıb.

“Charitybuzz” xeyriyyə təşkilatı " Corc Kluni ilə axşamlar" adlı hərrac keçirir, hərrac avqustun 20-də başa çatacaq. Xeyriyyə təşkilatı aktyorla bir gecə üçün 60.000 dollar toplamağı hədəfləyib. Toplanan vəsait“Kluni Ədalət Fondu”na yatırılacaq.

Şanslı qalib Kluni ilə kokteyl içəcək, ardınca şam yeməyi olacaq.

Nahar sentyabrın 24-ü saat 18:30-da Nyu Yorkda baş tutacaq.

Təşkilatın yaydığı press-relizdə "Cənab Kluni ilə nahardan əvvəl xüsusi kokteyl üçün qoşulun, fotoşəkillər çəkdirin və intim şam yeməyindən və sual-cavabdan həzz alın" yazılıb.

“Kluni Ədalət Fondu” bütün dünyada insan hüquqlarının pozulmasına görə ədalət uğrunda mübarizə aparır.