Xanım müğənni kokain istifadəçisi olduğunu etiraf etdi

Türkiyənin məşhur müğənnilərindən olan Dəniz Səki azadlığa buraxılıb.

Lent.az-ın Türkiyə mətbuatına istinadən məlumatına görə, fevralın 13-də İstanbulda narkotik vasitələrin qanunsuz dövriyyəsinə qarşı keçirilən əməliyyat nəticəsində 16 nəfər saxlanılıb. Saxlanılanlar arasında Dəniz Səki də olub. Müğənni narkotik vasitə olan kokain qəbul etmək və digər istifadəçiləri kokainlə təmin etməkdə təqsirləndirilib.

Məhkəmə saxlanılan şəxslərdən 9-u barəsində həbs-qətimkan tədbiri seçib, 7 nəfər isə sərbəst buraxılıb.
Məhkəmə zalından azadlığa buraxılan Dəniz Səki jurnalistlərə “son vaxtlarda sıxıntılı günlər keçirdim, nəticədə narkotik qəbul etdim, çox peşmanam, bir sənətçi kimi düşdüyüm vəziyyətdən utanıram, bir daha narkotik qəbul etməyəcəyəm”, - deyə bildirib.

Müğənni heç kimə narkotik vermədiyini vurğulayıb.

Barəsində həb-qətimkan tədbiri seçilən Sənan. Y. isə “Dəniz Səki mənim müştərimdir, o, sadəcə, istifadəçidir, 2-3 ildir, məndən kokain alır”, - deyib.