20 yaşlı Sevil Atakişiyevanın intihar faktı ilə bağlı cinayət işi açılıb.
Bu barədə Lent.az-a Baş Prokurorluğun mətbuat xidmətindən məlumat verilib. Bildirilir ki, faktla əlaqədar Cinayət Məcəlləsinin "özünü öldürmə həddinə çatdırma"nı nəzərdə tutan 125-ci maddəsi ilə cinayət işi açılıb.
"2001-ci il təvəllüdlü Atakişiyeva Sevil Samir qızının fevralın 21-də saat 20 radələrində Xətai rayonunda yerləşən yeni inşa edilmiş binanın 20-ci mərtəbəsindən özünü ataraq intihar etməsi faktı üzrə toplanmış materiallar əsasında Xətai rayon prokurorluğunda Cinayət Məcəlləsinin 125-ci maddəsi ilə cinayət işi açılıb", - Baş Prokurorluğun mətbuat xidmətindən bildirilib.
Baş Prokurorluğun mətbuat xidmətindən hazırda iş üzrə intensiv istintaq əməliyyat tədbirlərinin həyata keçirildiyi də vurğulanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
edsdsds.jpg)
