Rusiyanın Tümen vilayətində ov zamanı təsadüfən dostunu öldürən kişiyə hökm oxunub.
Lent.az yerli mediaya istinadla bildirir ki, hadisə 2024-cü ilin əvvəlində baş verib, iki kişi Zyryanka kəndi yaxınlığında ova çıxıb. Təqsirləndirilən şəxs gecəgörmə cihazı ilə əraziyə baxış keçirərkən siluet görüb və bunun qunduz olduğunu düşünərək atəş açıb. Güllə dostunun qarnına dəyib.
Atəş açan şəxs təcili yardım çağırıb və baş verənləri polisə danışıb. Zərərçəkmiş xəstəxanaya yerləşdirilsə də, onu xilas etmək mümkün olmayıb.
Faktla bağlı cinayət işi açılıb. Məhkəmənin hökmü ilə təqsirləndirilən şəxs 1 il müddətinə azadlıqdan məhrum edilib. Bundan əlavə, məhkəmə təqsirləndirilən şəxsə zərərçəkmişin ailəsinə mənəvi ziyana görə 2 milyon rubl təzminat ödəməyi tapşırıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
