Rusiyanın Moskva vilayətinin Kaşira şəhərində 28 il əvvəl qətlə yetirilmiş bir qızın meyiti tapılıb. Məlumata görə, tapılan meyit 8 yaşlı qıza məxsusdur.
Lent.az yerli mediaya istinadən xəbər verir ki, qızın qətlini törədən onun ögey atasıdır. 64 yaşlı kişi 1997-ci ilin martında uşaq “mənə yemək ver” dediyi üçün onu öldürüb. Cinayəti gizlətmək üçün də meyiti çantaya qoyaraq Kaşira şəhərində Vaxruşev küçəsindəki çoxmərtəbəli binanın zirzəmisində basdırıb.
28 il ərzində qız itkin düşmüş hesab olunurdu, lakin iş yenidən araşdırılmağa başlanıb. Nəticədə qızın ögey atasının yeri müəyyən edilib və dindirmə zamanı o, törətdiyi cinayəti etiraf edərək, uşağın basdırıldığı yeri göstərib.
Hadisə ilə bağlı cinayət işi açılıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
