“Qəbələ Konserv Zavodu” məhsul və xidmətlərin keyfiyyəti sahəsində nailiyyətlərinə görə keçirilmiş müsabiqədə “Xalq istehlakı üçün məhsul istehsalı” nominasiyası üzrə qalib gələrək laureat olaraq əsas mükafata layiq görülüb. Bu barədə Müstəqil Dövlətlər Birliyinin İqtisadi Şurası tərəfindən Standartlaşdırma, Metrologiya və Patent üzrə Dövlət Komitəsinə daxil olmuş rəsmi qərarda qeyd olunub. Komitədən Lent.az-a verilən məlumata görə, qalibə mükafatın 2012-ci ilin III rübü ərzində keçiriləcək tədbirdə təqdim edilməsi planlaşdırılıb.
Məlumat üçün bildirək ki, Müstəqil Dövlətlər Birliyi (MDB) ölkələri arasında keyfiyyət sahəsində (istehsal və göstərilən xidmətlər üzrə) əldə edilən nailiyyətlərə görə mükafatların müəyyən edilməsi məqsədilə Azərbaycan Respublikasının Standartlaşdırma, Metrologiya və Patent üzrə Dövlət Komitəsi yerli istehsal və xidmət şirkətləri arasında 2 ildən bir müsabiqə keçirir. Müsabiqə 2 mərhələdən ibarətdir. Müsabiqənin I mərhələsi MDB üzv dövlətlərinin Milli orqanları tərəfindən aparılır. Müsabiqədə iştirak etmək istəyən təşkilatlar (fiziki və ya hüquqi şəxslər) müsabiqənin qaydalarına müvafiq olaraq keyfiyyətlə bağlı sənədlər toplusunu (70 səhifədən çox olmamaq şərtilə) Standartlaşdırma, Metrologiya və Patent üzrə Dövlət Komitəsinə təqdim etməlidirlər. Müsabiqənin qalibləri Dövlət Komitəsi tərəfindən Azərbaycan Respublikası səviyyəsində (xüsusi komissiya heyəti tərəfindən) müəyyən edildikdən sonra, II mərhələdə iştirak üçün qaliblər haqqında məlumatlar və sənədlər toplusu MDB Standartlaşdırma, metrologiya və sertifikatlaşdırma üzrə Dövlətlərarası Şuraya təqdim edilir.
Müsabiqədə iştirak etmək üçün şərtlər:
Azərbaycan Respublikasında keçirilmiş seçimdə (Milli orqan tərəfindən elan edilmiş müsabiqədə) iştirak;
İki il müddətindən az olmamaq şərtilə istehsal edilən məhsulun (göstərilən xidmətin) yüksək keyfiyyətliliyinin təsdiqi;
İstehsal edilən məhsulun (göstərilən xidmətlərin) ikidən az olmamaq şərtilə MDB üzv dövlətlərinə ixrac edilməsi (və ya xidmətlərin göstərilməsi).
Müsabiqədə sənaye və xalq istehlakı malları istehsal edən (xidmət göstərən) təşkilatlar (fiziki və ya hüquqi şəxslər) iştirak edə bilərlər.
.jpg)
.jpg)
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
1261
Oxşar yazılar
"Azercell" ADA-nın Karyera Hazırlığı Həftəsində iştirak edib - VİDEO
17 may 2024 , 18:06
Mahayət Nəbiyev: “Kristal Abşeron" tikintidə enerji qənaəti üçün innovativ texnologiyalarda istifadə edir
17 may 2024 , 17:50
"Kapital Bank"ın 2023-cü ilin yekunlarına həsr olunmuş mətbuat konfransı keçirilib
17 may 2024 , 15:29
“Nar” voleybol üzrə milli komandalarımıza Qızıl Avropa Liqasında uğurlar arzulayır
17 may 2024 , 12:57
"Unibank"ın biznes üçün “Bahar endirimi” kampaniyası davam edir
17 may 2024 , 10:57
Sabah Sumqayıtın bu ərazilərində qaz kəsiləcək
16 may 2024 , 17:04“Azərsun Holdinq” sərgidə qida, qeyri-qida və kənd təsərrüfatı stendləri ilə təmsil olunur
16 may 2024 , 15:57
