[b]AFFA-dan yeyib, qıraqda gəzənlər[/b]

“Qarabağ” 2017-ci ildə Azərbaycan millisi üçün əsas baza komandası olub. Apasport.az saytının məlumatına görə, yığma özü üçün başa vurduğu il ərzində daha çox Ağdam təmsilçisinin üzvlərinə güvənib.

İlboyu 7 görüş keçirən millimizin bu qarşılaşmalardakı heyətində “Qarabağ”ın 10 üzvü meydana çıxıb. Onlar ümumilikdə 48 oyun keçirib. Əyalət klubunun üzvləri milli üçün 5 qol da vurub.

İlk “üçlük”də “Qəbələ” və “Neftçi” də yer alıb. Lakin bu iki komanda liderdən xeyli geri qalır. “Qəbələ”lilər il ərzində 17, “Neftçi” təmsilçiləri 9 matçda yığmanın şərəfini qoruyub.

Ümumiyyətlə, yığmanın 7 matçında çıxış edən 29 futbolçu 15 klubu təmsil edib. Bu komandalardan 10-u xarici, 5-i yerlidi. Premyer Liqa təmsilçilərindən AFFA-nın maliyyələşdirdiyi 3 klub - “Kəpəz”, “Səbail” və “Sumqayıt” əsas milliyə fayda verməyib.

Düzdü, “Səbail” ilin 2-ci yarısında Premyer Liqada çıxış edib ki, onadək AZAL elitada mübarizə aparıb.

Xarici klublardan 2-si Almaniya, 2-si Ukraynanı təmsil edir. İl ərzində Çexiya, Kipr, Slovakiya, Türkiyə, Portuqaliya və İspaniyadan yığmamıza futbolçu gəlib.

2017-ci ildə yığmanın şərəfini qoruyan 29 oyunçudan 6-sı iki klubda oynayıb. Bir qarşılaşmada isə klubsuz futbolçu meydana çıxıb. Kamran Ağayev Şimali İrlandiya ilə iyundakı matçda heç bir kluba bağlılığı olmadan iştirak edib.

№	klub	futbolçu	oyun	qol
1	Qarabağ	10	48	5
2	Qəbələ	6	17	1
3	Neftçi	4	9	-1
4	Aue (Almaniya)	1	5	1
5	Keşlə	3	4	1; -1
6	Zirə	2	3	0
7	Mlada Boleslav (Çexiya)	1	3	-9
8-10	Aleksandriya (Ukrayna)	1	2	0
	Jilina (Slovakiya)	1	2	0
	Stal (Ukrayna)	1	2	0
11	Anaotosis (Kipr)	1	1	1
12-14	Ayntraxt (F, Almaniya)	1	1	0
	Bursaspor (Türkiyə)	1	1	0
	Kadis (İspaniya)	1	1	0
15	Boavişta (Portuqaliya)	1	1	-4
-	Klubsuz	1	1	-1