Bakıda polis axtarışda olanları yaxaladı

Bakı şəhər sakini Orxan Məmmədovun cibindən mobil telefonunu oğurlamaqda şübhəli bilinən şəxs saxlanılıb. Bakı şəhər Baş Polis idarəsindən Lent.az-a verilən məlumata görə, telefonu oğurlayan şəxs Sumqayıt şəhər sakini Rasim Misirovdur. Onu Yasamal RPİ 27-ci PB-nin əməkdaşları həbs ediblər.

Xətai RPİ Cinayət-Axtarış Şöbəsi və 34-cü PB-nin keçirdiyi əməliyyat-axtarış tədbirləri nəticəsində isə dələduzluq maddəsi ilə axtarışda Elşən Bayramov yaxalanıb.

Digər saxlanılan şəxs Nazim Bəkirovdur. O, Cinayət Məcəlləsinin 181-ci (quldurluq) maddəsi ilə axtarışda olub. N.Bəkirov Səbail RPİ 39-cu PB-nin keçirdiyi əməliyyat-axtarış tədbirləri nəticəsində saxlanılaraq, istintaqa cəlb edilib.