"Rozetta" filminin ulduzu vəfat etdi

Kann Film Festivalının laureatı nadir onkoloji xəstəliklə uzun müddət mübarizə aparıb.

Lent.az xarici KİV-ə istinadən xəbər verir ki, "Rozetta" filminin ulduzu dünyasını dəyişib.

Belçikalı aktrisa Emilie Dequenne 43 yaşında vəfat edib. Ölümün səbəbi böyrəküstü vəzlərini zədələyən nadir bir xərçəng növü – adrenal kortikal karsinoma olub. Aktrisa Paris yaxınlığındakı Gustave Roussy xəstəxanasında dünyasını dəyişib.

Aktrisanın son işi "Yer sonrası" filmi olub. Lakin xəstəliyi səbəbindən karyerasını bitirmək məcburiyyətində qalıb. Emilie Dequenne böyrəküstü vəzlərin aqressiv xərçəngi olan adrenal kortikal karsinoma ilə mübarizə aparıb. Bu nadir xəstəlik hər milyon insandan yalnız birində müşahidə edilir.

Hipertoniya, sürətli çəki artımı və qarın ağrıları kimi əlamətlərlə müşayiət olunan bu xəstəlik, erkən diaqnoz qoyulmasını çətinləşdirir. Emilie Dequenne dünya kinematoqrafiyasına böyük töhfələr verib. O, təkcə istedadlı aktrisa deyil, eyni zamanda tamaşaçılara dərin emosiyalar və həssaslıq ötürə bilən bir sənətkar idi.