İyun ayının 26-da saat 16 radələrində Gəncə şəhər Baş Polis İdarəsinə 45 yaşlı İlhamə Hüseynovanın kəsici-deşici alətlət çox saylı bədən xəsarətləri alaraq qətlə yetirilməsi, şəhər sakini 25 yaşlı Akif Ağalarovun kəsici-deşici alətlə xəsarət alması barədə məlumat daxil olub.
Daxili İşlər Nazirliyi mətbuat xidmətinin Gəncə regional qrupundan Lent.az-a bildirilib ki, hadisəni qısqanclıq zəminində törədən 65 yaşlı Mahir Quliyev daha sonra özünə həmin alətlə xəsarət yetirib.
Faktla bağlı araşdırmalar davam etdirilir.
Lent.az-ın əldə etdiyi məlumata görə, Mahir Quliyev İlhamə Hüseynova ilə qeyri-rəsmi nikah münasibətlərində yaşayırmış.
***
saat 18:30
Gəncədə bıçaqlanma zamanı daha bir nəfərin xəsarət aldığı məlum olub.
Lent.az APA-ya istinadən xəbər verir ki, hadisə zamanı bıçaqlananlardan biri qadın olub.
Qadın aldığı bıçaq xəsarətindən ölüb.
***
saat 18:13
Gəncədə bıçaqlanma hadisəsi baş verib.
Lent.az-ın məlumatına görə, hadisə şəhərin Cəlil Məmmədquluzadə küçəsində qeydə alınıb.
Bir qrup şəxs arasında düşən davada 2 nəfər bıçaqlanıb.
Bıçaq xəsarəti alanlar 25 yaşlı Akif Ağalarov və 65 yaşlı Mahir Quliyevdir.
Hər iki xəstə xəstəxanaya yerləşdirilib, dərhal əməliyyata götürülüblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
