Qadın 8 aylıq hamilə qonşusunun qarnını yarıb, uşağını çıxardı

ABŞ-ın Oreqon ştatında dəhşətli qətl hadisəsi törədilib.

Lent.az-ın “hurriyet”ə istinadən məlumatına görə, Elain Roberts adlı qadın 8 aylıq hamilə olan qonşusunu öldürmək üçün qorxunc plan hazırlayıb. O, 21 yaşlı qonşusunu öldürəndən sonra qarnını yarıb və körpəsini çıxarıb.

Meyiti həyətində basdıran Elain körpəni də öz uşağı kimi böyütməyə başlayıb. Aradan bir müddət keçəndən sonra körpə xəstələnib. Qatil qadın bunun üçün polisə zəng edərək yardım istəyib. Körpə xəstəxanaya çatdırılsa da, həyatını xilas etmək mümkün olmayıb. O, xəstəxanada keçinib.

Xəstəxanada qadın və körpənin DNT və qan nümunələrinin fərqli olduğu müəyyənləşib. Bundan şübhələn polisin apardığı araşdırma nəticəsində qorxunc həqiqət ortaya çıxıb.

Həbs olunan Elainin bundan başqa, iki övladının olduğu da məlum olub.