Yol qəzasında yaralanan hamilə qadının uşağı ölüb

Sabirabadda baş verən hadisə nəticəsində 4-ü uşaq, 7 qadın yaralanıb

Azərbaycanın Sabirabad rayonu ərazisində, Qazməmməd-Bəhrəmtəpə magistralının 269-cu kilometrliyində 7 nəfərin xəsarət alması ilə nəticələnən yol qəzası baş verib.

APA-nın yerli bürosunun xəbərinə görə, yol qəzası bu gün səhər saatlarında qeydə alınıb. “VAZ-2107” markalı, 90 FB 692 dövlət nömrə nişanlı və “VAZ-2106” markalı, 10 BS 669 dövlət nömrə nişanlı avtomobillərin toqquşması nəticəsində Beyləqan rayon Eyvazallar kənd sakinləri - 1980-ci il təvəllüdlü Fərzəliyeva Zəminə Hilal qızı, Fərzəliyeva Türkan Mahir qızı, 1980-ci il təvəllüdlü Əsədova Cəmilə Hilal qızı, 2007-ci il təvəllüdlü Fərzəliyeva Turcan Nadir qızı, 2005-ci il təvəllüdlü Muxtarov Orxan Rövşən oğlu və 2003-cü il təvəllüdlü Muxtarova Mələkxanım Rövşən qızı, Tərtər rayonunun Qapanlı kənd sakini, 2002-ci il təvəllüdlü Muxtarov Muxtar Rövşən oğlu müxtəlif dərəcəli xəsarət alıblar.

Onlar Şirvan Mərkəzi Şəhər Xəstəxanasına yerləşdiriliblər. Xəsarət alanlardan biri - 8 aylıq hamilə olan Fərzəliyeva Zəminə Hilal qızının üzərində qeysər əməliyyatı aparılıb və 8 aylıq ölmüş uşağı götürülüb.

Faktla bağlı Sabirabad rayon Polis Şöbəsində araşdırma aparılır.