İrandan İsrailə 180 raket atılıb – RƏSMİ

İsrail Müdafiə Qüvvələri İranın raket hücumunun təfərrüatlarını açıqlayıb.

Lent.az xarici KİV-ə istinadən bildirir ki, İsrail Müdafiə Qüvvələrinin məlumatına görə, yerl vaxtla saat 19:31-də İrandan bir neçə atəş açılıb, 180-ə yaxın raket atılıb.

Hücumların əhəmiyyətli sayına baxmayaraq, raketdən müdafiə sistemləri effektiv ələ keçirib, lakin İsrailin mərkəzi və cənub bölgələrində zərbələr qeydə alınıb.

İsrail Müdafiə Qüvvələri rəsmiləri hava qüvvələrinin döyüş qabiliyyətinə, təyyarələrinə və müdafiə sistemlərinə ziyan dəymədiyini vurğulayıblar. Axşam saatlarında Hərbi Hava Qüvvələri Yaxın Şərqdə aktiv əməliyyatları davam etdirəcək.

İsrail Müdafiə Qüvvələri İranın regionda münaqişənin gərginləşməsinə fəal töhfə verdiyini qeyd edib və bugünkü hadisələrin daha pis nəticələrə gətirib çıxaracağı ilə bağlı xəbərdarlıq edib.

“İsrail vətəndaşlarının təhlükəsizliyini təmin etmək üçün əlimizdən gələni edəcəyik”, - açıqlamada bildirib.