İslamda inqilab istəyən vəkil geri çəkildi

Seyran Atəş ölümlə təhdid edildiyi üçün bundan sonra susacağını bəyan edib

Almaniyada yaşayan və “İslama Seksual İnqilab Gərəkdir” kitabı ilə olay yaradan vəkil Seyran Atəş bu kitabına görə ölümlə təhdid edildiyini bildirib.

Lent.az-ın verdiyi məlumata görə, Seyran Atəş Almaniyanın “Der Spiegel” jurnalına açıqlamasında deyib ki, onun Tanrısı seks məsələsində çox açıqdır və onu seksi önəmli sayan bir insan kimi yaradıb.

Vəkil bildirib ki, heç vaxt dini yox saymayıb və qəbul edib: “Bir çox insan mənim kitabımı İslamı pisləyən kitab kimi təqdim edir. Elə deyil, Allaha inanıram. Qadın və kişi münasibətlərində bərabərlik, insanlar və azadlıq üçün yazır və çalışırdım. Amma anladım ki, bunu istəməyənlər çoxdur. Ona görə də bundan sonra danışmayacağam, susacağam. Məni ölümlə təhdid edənlər rahat olsunlar”.