Abdulla Gül Polad Alemdarı qabaqladı

Türkiyədə Müstəqil Maarifçilər Həmkarlar İttifaqı gənclər arasında sorğu keçirib.

Lent.az-ın “AA”ya istinadən məlumatına görə, təşkilat “gəncliyin qəlbindəki 1 nömrə”nin kim olduğunu araşdırıb. 1321 nəfər arasında keçirilən sorğu nəticəsində məlum olub ki, gənc oğlanların 8,9 faizi ölkə prezidenti Abdulla Gülü özünə nümunə götürür. Bu sırada 2-ci yeri 8,1 faizlə Türkiyə Birjalar Birliyinin sədri Rüfət Hisarcıklıoğlu və 3-cü yeri 7,5 faizlə “Polad Alemdar” tutur.

Gənclərin 50,5 faizi Türkiyənin gələcəyindən ümidsizdir, 38,3 faizi isə ölkənin gələcəyini parlaq görür.

Araşdırmaya əsasən, ölkədə gənclərin 72,1 faizi siyasi prosesləri təqib etmir, 73,6 faizi idmanla məşğul olmur və 43,7 faizi qəzet oxumur.

Ölkə gənclərinin 39,3 faizi siqaret çəkir və spirtli içki qəbul edir.