PKK terrorçularının liderləri öldürülüb

Türkiyə Silahlı Qüvvələrinin PKK terror təşkilatına qarşı keçirdiyi əməliyyat nəticəsində təşkilatın 8 üzvü öldürülüb.

Lent.az-ın məlumatına görə, öldürülənlər arasında terror təşkilatının liderləri də var.

Silahlı Qüvvələrinin Siirt vilayətində, Çırav dağında keçirdiyi əməliyyat nəticəsində PKK-ın bölgə üzrə nümayəndəsi, “Sason” ləqəbli Niyazi Akın, onun müavinləri Cəlal Sarvan, Cankurt Afrin və daha 1 terrorçu zərərsizləşdirilib.

Diyəbkirdə keçirilən əməliyyat zamanı isə PPK-ın ərazi üzrə nümayəndəsi, “Gever” kod adlı Əli İhsan İkə, onun mühafizəçisi, “Rüstəm Ərdal” kod adlı Səttar Əlizadə, PKK-nın qadın liderlərindən biri olan “Beritan Hevi” kod adlı Leyla Şanlı, onun müavini, “Səma Mabata” kod adlı Zübeydə Çətinqaya öldürülüb.