24 yaşlı qadının 7 övladı var

O, hazırda 8-ci övladına hamilədir
Bu günlərdə İngiltərədə hamı bu ailədən danışır.
Söhbət 7 uşaqlı Kristian ailəsindən gedir. Diqqəti cəlb edən təkcə ailədəki uşaqların sayının çoxluğu deyil, həm də uşaqların anasının cəmi 24 yaşında olmasıdır. Üstəlik 24 yaşlı Suzi Kristian 8-ci övladına hamilədir.

Lent.az-ın məlumatına görə, Suzi uşaqlıqdan 7 övladının olmasını arzulayıb. O, hələ 15 yaşı olanda ilk uşağına hamilə qalıb. Ailəsi buna etiraz etsə də, Suzi övladını dünyaya gətirib. Hazırda 24 yaşında olan çoxuşaqlı ana 8-ci övladına hamilədir. O, bir neçə gündən sonra 8-ci uşağını da qucağına alacaq.

Övladlarının arasında özünü xoşbəxt hiss etdiyini deyən Suzinin fikrincə, ən gözəl peşə ana olmaqdır. Onun tək problemi xəstə olan həyat yoldaşının işləməməyidir. Dövlət aldıqları sosial yardımla dolanan ailə maddi cəhətdən çox əziyyət çəkir.