Türkiyənin xarici işlər naziri dəyişir

Türkiyə Nazirlər Kabinetinin tərkibində dəyişikliklərin olması gözlənilir.

Lent.az-ın məlumatına görə, iqtidardakı Ədalət və İnkişaf Partiyasından (AKP) millət vəkili olan Bülənd Arınc 10-12 nazirin dəyişməsinin gözlənildiyini deyib. Baş nazir Rəcəb Tayyib Ərdoğan jurnalistlərin bununla bağlı sualını cavablamaqdan yayınıb. O, “hər hansı dəyişiklik olsa, siz də eşidəcəksiniz”, - deməklə kifayətlənib.

“Hürriyet” qəzeti isə iddia edir ki, ölkənin hazırkı xarici işlər naziri Əli babacanı bu vəzifədə Əhməd Davudoğlu əvəzləyə bilər. Ancaq Davudoğlunun millət vəkili olmaması AKP daxilində narazılıqlar yaratması mümkündür. Belə güman edilir ki, ölkənin xarici siyasət idarəsinin başına millət vəkili Murad Mərcanının gətirilmə şansı da var. Ehtimallar arasında Babacanın xəzinə (büdcə) məsələləri üzrə dövlət naziri təyin olunması da var.

Qəzet daha bir neçə nazirin vəzifədən çıxarılacağını da iddia edir.