Filippində dəhşətli fəlakət: 304 ölü, yüzlərlə yaralı və itkin düşən YENİLƏNİB

“Pablo” qasırğası Filippinin cənubundakı Mindanao adasında 230 nəfərin ölümünə səbəb olub, 98 nəfər itkin düşüb.
Lent.az-ın BBC-yə istinadən verdiyi məlumata görə, bunu bu gün Filippin Səhiyyə Nazirliyi açıqlayıb.
Qeyd edə ki, “Pablo” qasırğası Filippin sahillərinə dekabrın 4-də, səhər saatlarında çatıb. Hakimiyyət orqanları 56 mindən çox insanı evakuasiya etmək məcburiyyətində qalıb. Küləyin sürəti saatda 200 kilometri keçib.

***

10:53
Filippində baş verən güclü qasırğa onlarla insanın ölümünə səbəb olub. Lent.az-ın Türkiyə mətbuatına istinadən verdiyi məlumata görə, ölkənin cənubundakı Bataan qəsəbəsində 43 nəfər dağdan gələn sel suları altında qalıb. Ümumilikdə isə ölənlərin sayı 74-ə çatıb.

Filippinin əksər şəhərlərinə elektrik enerjisinin verilməsi dayandırılıb. 60 mindən çox insan sığınacaqlara yerləşdirilib. Ölkə rəsmiləri ölü sayının artacağından narahatdır.