Təyyarələrdə hər 60 sərnişinə ortalama bir tualet düşür, bu da uçuş zamanı tualet növbələrinin yaranmasına səbəb olur. Üstəlik, tualetlər uçuşun qalxma və enmə mərhələlərində, eləcə də turbulensiya zamanı istifadəyə qapalıdır.
Lent.az xarici mediaya istinadla bildirir ki, buna görə tualetə getmək üçün düzgün vaxt seçmək çox vacibdir.
Nə vaxt tualetə getməmək daha yaxşıdır?
Stüardessaların sözlərinə görə, ikinci yemək verildikdən sonra tualetə getmək məsləhət deyil, çünki:
Bu zaman enməzdən 60–90 dəqiqə əvvəl olur,
Çox sərnişin eyni anda qalxır və tualetə tələsir,
Tualetə çatmamış təhlükəsizlik kəməri nişanı yanmağa başlaya bilər.
Enməyə az qalmış elan verildikdə, hər kəs tualetə qaçır. Yeməkdən dərhal sonra da eyni vəziyyət yaşanır. Telejkalara ilişən sərnişinlər yerinə qayıda bilmir.
Tualetə getmək üçün ən uyğun vaxtlar
Birinci yemək paylanıldıqdan dərhal sonra
Bu zaman sərnişinlərin əksəriyyəti:
Film izləyir,
Və ya yatmağa hazırlaşır.
Tualetlər boş olur, növbə azdır.
Enməyə az qalmış, anonsdan dərhal əvvəl
Amma təhlükəsizlik kəməri işığı yanmadan əvvəl getmək lazımdır,
Ekranda uçuş cədvəlini izləmək vacibdir.
Təyyarəyə minməzdən əvvəl
Səyahət məsləhətçisi Rani Çima deyir ki:
"Təyyarəyə minməzdən əvvəl bir neçə dəfə tualetə getməyə çalışıram".
Sərnişinlərin çoxu yatarkən
Sakit vaxtdır, hərəkət az olur, tualetlər boş qalır.
Təyyarənin harasında tualetə getmək daha məqsədəuyğundur?
Stüardessalar təyyarənin arxa hissəsindəki tualetləri tövsiyə edir. Çünki:
Sərnişinlər adətən yalnız ön tərəfdəki tualetləri görür və ora yönəlirlər,
Arxa hissədəki tualetlər isə daha boş olur.
Tualet növbəsinə düşməmək üçün nə etməli?
Uçuşun son saatına qədər gözləməyin,
Birinci yeməkdən dərhal sonra tualetə gedin,
Təyyarənin arxa tualetlərini seçin,
Uçuşdan əvvəl mütləq istifadə edin, xüsusilə uzun uçuşdursa. Doğru planlama sizə stresssiz və rahat uçuş təmin edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
