Microsoft köhnəlmiş "Windows"un satışının bitmə tarixini açıqlayıb.
Lent.az xarici KİV-ə istinadən xəbər verir ki, Amerika korporasiyası yanvarın 31-də məşhur OS üçün lisenziya satışını dayandıracaq.
Şirkət artıq Windows 10 üçün ödənişli lisenziyaları yaymasa da, əməliyyat sistemi müəyyən müddət ərzində yeniləmələri almağa davam edəcək.
“Windows 10 2025-ci ilin 14 oktyabr tarixinədək kompüterinizi viruslardan, casus və digər zərərli proqramlardan qorumaq üçün təhlükəsizlik yeniləmələri ilə dəstəklənməyə davam edəcək”, - deyə şirkət bildirib.
Nəşrin mütəxəssisləri qeyd ediblər ki, “Microsoft”un belə addımı şirkətin istehlakçıların köhnəlmiş ƏS-dən istifadə etməsini istəməməsi deməkdir.
"Təbii ki, Microsoft sizə Windows 11 lisenziyalarını almağı tövsiyə edəcək" deyilib. Eyni zamanda, Windows 10 üçün ödənişli lisenziyaları müxtəlif bazarlarda almaq mümkün olacaq.
Windows 10-un ilk versiyası 2015-ci ilin iyulun 29-da buraxıldı. 2021-ci ilin oktyabrın 5-də Microsoft Windows 11-i buraxdı.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
