"Instagram"da ödənişli abunəlik funksiyası istifadəyə verilib.
Lent.az xəbər verir ki, istifadəçilər bunun vasitəsilə ən çox izlədikləri müəlliflərin eksklüziv kontentlərini və "Instagram"ın bəzi geniş funksiyalarını əldə edəcəklər.
Qeyd edək ki, sosial şəbəkə ödənişli abunəlik funksiyasını test rejimində istifadəyə verib və o hələ ki, "Instagram"ın ABŞ-dakı 10 məşhur istifadəçisi üçün aktivdir.
Yəni adi istifadəçilər yalnız 10 məşhur istifadəçiyə ödənişli abunəliyi reallaşdıra bilərlər. Sözügedən funksiya vasitəsilə istifadəçilər sevdikləri müəlliflərdən eksklüziv kontentlər əldə edəcəklər.
Bura həmçinin Stories paylaşımları və canlı yayımlar da daxil olacaqlar. Bu cür abunəçilərin adları qarşısında bənövşəyi rəngdə xüsusi işarə əks olunacaq. Onun sayəsində kontent yaradıcıları hansı istifadəçinin bu funksiyadan yararlandığını biləcəklər.
Ödənişli abunəliyin aylıq ödəniş haqqı 0.99-99.99$ arasında dəyişəcək. Kontent yaradıcıları özləri də abunəik haqqını təyin edə biləcəklər. Instagram bildirib ki, o, 2023-cü ilə kimi kontent yaradıcılarından bu məsələ ilə bağlı komissiya əldə etməyəcək.
Yaxın həftələrdə ödənişli abunəlik funksiyasına sahib istifadəçilərin sayının artacağı ehtimal edilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
