Bu telefonlara da diqqət: “WhatsApp” işləməyəcək

Dünyanın ən populyar mesajlaşma tətbiqlərindən biri olan “WhatsApp”ın işləməyəcəyi modellərin siyahısı açıqlanıb. Siyahıda tanınmış telefon modelləri də var.

Lent.az xarici KİV-ə istinadən məlumat verir ki, “WhatsApp” yeni xüsusiyyətlər və təhlükəsizlik ilə bağlı yenilikləri təqdim etməyə davam edir. Belə ki, proqram tezliklə köhnə bəzi Android və iOS cihazları üçün tətbiq dəstəyini silməyə başlayacaq. “WhatsApp” mesajlaşma platforması 1 Noyabrdan etibarən bir çox köhnə cihazı dəstəkləməyi dayandıracaq. Bunun mənası, tətbiqin bəzi cihazlarda işləməyəcəyidir.

Tətbiqdən istifadə etməyə davam etmək üçün istifadəçilərin proqramı dəstəkləyən yeni bir cihaz almaqdan başqa çarəsi qalmayacaq. İstifadəçilər bütün söhbətləri və medianı qorumaq üçün yeni qurğuya keçməzdən əvvəl söhbət tarixçələrini “yedəkləyə” bilərlər.

“WHATSAPP” hansı telefon modellərində işləməyəcək?

Bu proqramın işləməyəcəyi bəzi məşhur Android cihazları arasında Samsung Galaxy SII, Galaxy S3 mini, Optimus L5 Dual, Optimus L4 II Dual, Optimus F7, Optimus F5 yer alır.

İOS 10 -dan daha köhnə əməliyyat sistemlərində işləyən heç bir iPhone 1 Noyabrdan etibarən işləməyəcək. İPhone 6S, iPhone 6S Plus, Apple iPhone SE kimi cihazlar mesajlaşma tətbiqini dəstəkləməyi dayandıracaq.

Android və iOS istifadəçiləri xəbərlərimizdən sonra telefonlarına lazımi yeniləmələri etməli olacaqlar. 1 Noyabrdan sonra lazımi tənzimləmələri olmayan telefonlarda “WhatsApp” tətbiqindən istifadə etmək mümkün olmayacaq.