Malayziya polisi COVID-19-a yoluxmanın qarşısının alınması tədbirləri çərçivəsində ictimai yerlərdə yüksək temperaturlu insanları aşkar etmək üçün pilotsuz təyyarələrdən istifadə edir.
Lent.az-ın xarici mediaya istinadla verdiyi xəbərə görə, yerdən 20 metrə qədər hündürlükdən insanların hərarətini təyin edə bilən pilotsuz təyyarələr, kiminsə yüksək hərarəti olduğu təqdirdə səlahiyyətlilərə xəbərdarlıq etmək üçün qırmızı işıq yayır.
Malayziya, may ayının sonunda gündə 9000-dən çox yoluxma qeydə alınmasının qarşısını almaq üçün keçən həftə ümumi karantin tətbiq edib.
O vaxtdan bəri gündəlik xəstələrin sayı azalsa da, baş səhiyyə direktoru Nur Hişam Abdullah, yeni infeksiyaların və ölümlərin çoxunun bilinməyən təmaslardan qaynaqlanması ilə bağlı xəbərdarlıq edib.
Təcrid qaydalarına görə, yalnız iki ailə üzvünün əsas ehtiyacları almaq, təmassız idman növləri ilə məşğul olmaq və ya tibbi yardıma ehtiyac olanda çölə çıxmasına icazə verilir. Məktəblər vı ticarət mərkəzləri bağlıdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
