Əmək və Əhalinin Sosial Müdafiə Nazirliyinin tərkibində olan Dövlət Sosial Müdafiə Fondunun İctimaiyyətlə əlaqələr departamentinin müdiri Rəşad Mehdili Lent.az-da gedən yazıya münasibət bildirib.
O qeyd edib ki, Elm və Təhsil Nazirliyinin Şəki-Zaqatala Regional Təhsil İdarəsinin bir qrup müəllimin xəstəliyə və analıq məzuniyyətinə görə məcburi dövlət sosial sığorta haqları hesabına təyin olunan müavinətlərini ala bilməmələri ilə bağlı müraciəti araşdırılıb:
“2022-ci ilin aprel ayı üzrə hesablanmış məcburi dövlət sosial sığorta haqları 5 saylı Ərazi Maliyyə Hesablaşma Mərkəzi tərəfindən Dövlət Sosial Müdafiə Fondunun Sosial Sığorta və Fərdi Uçot üzrə Mərkəzi Filialının xəzinə hesabına ödənildiyindən və Şəki-Zaqatala Regional Təhsil İdarəsi vergi ödəyicisi kimi 2022-ci ilin may ayında qeydiyyata alındığından, 2022-ci ilin II rübü üçün təqdim edilmiş hesabatda aprel ayı üzrə sığortaolunanlara aid qazancın əks olunması qanunauyğun deyil.
Şəki-Zaqatala Regional Təhsil İdarəsi tərəfindən 2022-ci ilin II rübü üçün dəqiqləşdirilmiş hesabat təqdim edilməli və hesabat dövrünün aprel ayında qazanc əks olunmamalıdır. Aprel ayı üzrə məlumatlar 5 saylı Ərazi Maliyyə Hesablaşma Mərkəzi tərəfindən təqdim edilməli olan 2022-ci ilin II rübü üzrə hesabatda öz əksini tapmalıdır. Uyğunsuzluqlar aradan qaldırıldıqdan və əmək qabiliyyətinin müvəqqəti itirilməsinə görə, hamiləlik və doğuma görə, uşağın 3 yaşı tamam olanadək ona qulluq etməyə görə, uşağın anadan olmasına görə birdəfəlik və dəfn üçün müavinət ilə bağlı haqq-hesab cədvəlləri Mərkəzləşdirilmiş elektron informasiya sisteminə daxil edildikdən sonra qanunvericiliyə uyğun olaraq baxılacaq”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
