Azərbaycana gətirilən yeni yol polisi maşınlarının <span style="color:red;">ÜSTÜNLÜKLƏRİ
11 fevral 2015 11:59 (UTC +04:00)

Azərbaycana gətirilən yeni yol polisi maşınlarının ÜSTÜNLÜKLƏRİ

Bakıya yeni gətirilən yol polisi avtomobilləri elektro-patrol sistemi üzərində nömrəoxuma, ümumi müşahidə kameraları və gecə görüntüsü üçün işıqlandırma sistemi ilə təchiz olunub.

 

 

Lent.az-ın məlumatına görə, Avropa Oyunları ərəfəsində paytaxtda gətirilən və ötən gündən Azadlıq meydanında toplanan polis maşınları istifadəyə verilib. Daxili İşlər Nazirliyinin müxtəlif qurumları, o cümlədən yol polisi əməkdaşları üçün yeni alınan və müasir avadanlıqla təchiz edilən avtomobillərin istifadəyə verilməsi mərasimində prezident İlham Əliyev iştirak edib. Ölkə başçısına bu avtomobillərin imkanları barədə verilən məlumatlar yəqin ki, hər bir sürücüyə maraqlı olmalıdır. Yol polisi əməkdaşları üçün 400 ədəd “BMW”, post-patrul, çevik polis alayı üçün 300 ədəd yeni “Fiat Doblo” markalı avtomobil, saxlanılan şəxslərin daşınması üçün isə “Mercedes” markalı 20 mikroavtobus alınıb.

Bir sıra üstünlükləri ilə seçilən bu avtomobillərin təqdimat mərasimində Prezident İlham Əliyev də iştirak edib. Daxili işlər naziri Ramil Usubov dövlət başçısına məlumat verib ki, avtomobillərin hər biri yeni və müasir avadanlıqla təchiz edilib, Elektro-patrol sistemi quraşdırılıb. Sistem post-patrul xidməti avtomobilinin həm dayandığı, həm də hərəkət etdiyi hallarda fəaliyyət göstərir.

 

Məlumatda bildirilir ki, sistemin üzərində nömrəoxuma, ümumi müşahidə kameraları, gecə görüntüsü üçün 30 metr mənzili olan “infraqırmızı” işıqlandırma sistemi və GPS modulu quraşdırılıb. Avtomobildə daxili kompüter qurğusu mövcuddur ki, nömrəoxuma prosesi həmin kompüterdə aparılır. Sistem nömrəoxuma kameraları vasitəsilə üzərində quraşdırıldığı patrul avtomobilinin durduğu iki zolağadək sağda, həmçinin iki zolağadək solda hərəkət edən və ya dayanmış nəqliyyat vasitələrinin nömrə nişanlarını və sürətlərini oxumaq imkanına malikdir. 

Həmçinin, parklanmış nəqliyyat vasitələrinin də nömrə nişanları oxunur. Nömrəsi və sürəti oxunmuş nəqliyyat vasitələri barədə məlumatlar tarix, saat, eləcə də GPS koordinatı da əlavə edilməklə mərkəzi serverdə arxivləşdirilir. Həmçinin, nömrəsi oxunan hər bir nəqliyyat vasitəsinin axtarışda olub-olmaması, cərimə ödənişlərini uzun müddət gecikdirməsi və digər məlumatlar müəyyən edilir. Sürət həddini aşmış nəqliyyat vasitələri barədə məlumatlar da Baş Dövlət Yol Polisi İdarəsinin mərkəzi informasiya sisteminə göndərilir.

 

# 149
avatar

Oxşar yazılar

Azərbaycanda kimlər çoxuşaqlı ana  hesab olunur? – CAVAB

Azərbaycanda kimlər çoxuşaqlı ana hesab olunur? – CAVAB

29 may 2024 , 11:58
General-mayor Firudin Nəbiyev

Azərbaycan Ordusunun generalı işdən çıxarıldı

29 may 2024 , 11:15
Xocalıya növbəti köç karvanı YOLA SALINDI

Xocalıya növbəti köç karvanı YOLA SALINDI

29 may 2024 , 06:37
APA TV-nin 11 yaşı tamam olur

APA TV-nin 11 yaşı tamam olur

29 may 2024 , 00:00
Ən az  pensiya verilən   5 ölkə - SİYAHI

Ən az pensiya verilən 5 ölkə - SİYAHI

28 may 2024 , 17:22
Bakının bu qəsəbəsi 2 gün susuz  qalacaq

Bakının bu qəsəbəsi 2 gün susuz qalacaq

28 may 2024 , 14:43
Azərbaycanda havalar dəyişir  - Xidmət rəisi AÇIQLADI

Azərbaycanda havalar dəyişir - Xidmət rəisi AÇIQLADI

28 may 2024 , 14:14
Sabah 33 dərəcə  isti olacaq - PROQNOZ

Sabah 33 dərəcə isti olacaq - PROQNOZ

28 may 2024 , 12:54