Təhsil Nazirinin əmri ilə təsdiq olunmuş “Ali təhsil müəssisələrində kredit sistemi ilə tədrisin təşkili barədə nümunəvi Əsasnamə”yə əsasən, tələbəyə hər semestrdə 30 kreditə qədər fənnin tədrisi müəyyənləşdirilir.
Təhsil Nazirliyindən Lent.az-a verilən məlumata görə, tələbəyə hər semestrdə (birinci tədris ili istisna olmaqla) cəmi 8 kreditdən çox olmamaq şərti ilə 1 və ya 2 fənn də seçməyə icazə verilir.
Fənn (fənlər) üzrə akademik borcu qalan tələbə həmin fənni (fənləri) yenidən dinləməlidir. Bu zaman tələbə həmin fəndən (fənlərdən) dərslərdə iştirak etməklə, onun (onların) mənimsənilməsinə qoyulan tələbləri tam yerinə yetirməlidir. Akademik borcu qalan tələbələrə həmin fəndən krediti qazanmaq üçün 6 (altı) həftəlik yay semestri də təşkil oluna bilər. Yay semestrində tələbənin götürdüyü fənlərin krediti 9-dan artıq olmamalıdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
