Tovuzun Qalaboynu kəndində müəllimin şagirdi döyməsi telefonla çəkilib.
Lent.az Xezerxeber.az-a istinadən xəbər verir ki, yayılan videoda müəllim şagirdi küncə sıxışdıraraq döyür, uşağın yalvarmasına belə məhəl qoymur. Daha sonra başqa bir şagirdi döyür.
Şagirdlərə qarşı zorakılıq edən hərbi hazırlıq müəllimi Mövsüm Sadıqov telekanala açıqlamasında görüntülərin montaj olduğunu iddia edir. Mövsüm Sadıqov bildirib ki, o, şagirdlərə zor tətbiq etməyib: "Döymək söhbəti yoxdur, şagirdləri başa salırıq, tərbiyələndiririrk. Onlara oxumağı aşılayırıq, Şagirdləri gənc əsgər kimi yetişdirməyə çalışırq".
Məsələ ilə bağlı Tovuz Rayon Təhsil Şöbəsinin rəhbəri Validə Hüseynova Lent.az-a bildirib ki, hazırda məsələnin araşdırılması üçün komissiya yaradılıb:“Məktəb direktoru dindirilib. O da məktəbdə belə bir hadisənin olmadığını deyir. Videogörüntüdəki şagirdlərin, müəllimin izahatı alınacaq və yekun nəticə Təhsil Nazirliyinə təqdim ediləcək”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
