”Rusiyanın ali təhsil müəssisələrinə keçirilən imtahanda iştirak etmək istəyən Azərbaycan vətəndaşlarının qeydiyyatı başa çatıb”. Bu barədə Lent.az-a Tələbə Qəbulu üzrə Dövlət Komissiyasının (TQDK) mətbuat katibi Elnur Nağızadə məlumat verib.
Onun sözlərinə görə, Rusiya Federasiyasının Təhsil və Elm Nazirliyinin 2013-2014-cü tədris ili üçün Rusiyanın ali təhsil müəssisələrinə qəbul olunmaq istəyən Azərbaycan vətəndaşları üçün ayırdığı 49 yerə 24 nəfər sənəd verib.
E. Nağızadə deyib ki, qeydiyyatdan keçən abituriyentlər iyunun 16-da TQDK tərəfindən keçiriləcək test imtahanında iştirak edəcəklər. İmtahandan sonra boş qalan yerlər üçün Rusiyada yaşayan azərbaycanlılar arasında müsabiqə keçiriləcək.
Qeyd edək ki, Təhsil Nazirliyi və TQDK iyunun 6-da Rusiya Federasiyasının ali təhsil müəssisələrində Azərbaycan Respublikası vətəndaşları üçün ayrılmış yerlərə tələbə qəbulu elan edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
