Əmək və Əhalinin Sosial Müdafiəsi Nazirliyi tabeliyində fəaliyyət göstərən Respublika Tibbi-Sosial Ekspertiza Mərkəzi ləğv olunacaq. Lent.az-ın APA TV-yə istinadən verdiyi məlumata görə, Tibbi-Sosial Ekspert Komissiyalarının rəhbərlərinin iştirak etdiyi görüşdə nazir Səlim Müslümov bununla bağlı tapşırıq verib: “Bizə belə bir qurum lazım deyil. Müvafiq dəyişiklikləri hazırlayın. Bununla bağlı biz Nazirlə Kabinetinə müraciət edəcəyik”.
Nazir bu sahədə mövcud olan nöqsanlardan da danışıb: “Əgər Respublika Tibbi-Sosial Ekspertiza Mərkəzində arayışları kimsə satırdısa, o zaman siz (Tibbi-Sosial Ekspert Komissiyaları nəzərdə tutulur) nə işlə məşğul idiniz?”.
S. Müslülmovun sözlərinə görə, bəzi rayon Tibbi-Sosial Ekspert Komissiyaları əhalinin 50 faizinə əlilik haqqında arayış verib: “Hər 1000 nəfərdən 50 nəfərini “əlil edən” Tibbi-Sosial Ekspert Komissiyamız var”.
Qeyd edək ki, S. Müslümov bu gün 4 komissiya sədrini işdən azad edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
