Martın 20-si gündüzdən 21-i səhərədək müşahidə olunmuş faktiki havaşəraiti açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentindən APA-ya verilən məlumata görə, əvvəlcədən xəbər verildiyi kimi martın 20-si gündüzdən 21-i səhərədək ölkə ərazisində hava şəraiti qeyri-sabit keçib, yağış yağıb, bəzi yerlərdə intensiv olmuş, dağlıq və dağətəyi rayonlarda sulu qar, qar yağıb.
Düşən yağıntının miqdarı Bakıda və Abşeron yarımadasında 6-15 mm, Mərkəzi-Aran rayonlarında 2-20 mm, Lənkəran-Astara zonasında 4-16 mm, Böyük Qafqazda 3-15 mm, Qazax-Gəncə zonasında 2-8 mm, Kiçik Qafqazda 8-11 mm, Naxçıvan MR-da 3-6 mm təşkil edib.
Şimal-qərb küləyi ayrı-ayrı yerlərdə güclənib. Qar örtüyünün hündürlüyü dağətəyi rayonlarda 4-16 sm, dağlıq rayonlarda 14-20 sm, yüksək dağlıq ərazilərdə 25-40 sm-ə çatıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
