Neft məktəbi Polşa Universiteti ilə memorandum imzalayıb

Azərbaycanda rəsmi səfərdə olan Polşanın AGH (Krakov) Elm və Texnologiya Universitetinin rektoru, Polşa Ali Təhsil-Biznes Forumunun prezidenti, professor Tadeuş Slomkanın rəhbərlik etdiyi nümayəndə heyəti BANM-də bir sıra işgüzar görüşlər keçiriblər. Bu barədə Lent.az-a ali məktəbdən məlumat verilib.

Neft Məktəbinin rektoru E. Qasımov Azərbaycanla Polşa arasında olan əlaqələrdən danışıb.

AGH (Krakov) Elm və Texnologiya Universitetinin rektoru Azərbaycanda və Bakı Ali Neft Məktəbində olmalarından məmnunluq hissləri keçirdiyini, Bakıda polşalı mütəxəssislərin fəaliyyətinə yüksək qiymət verildiyinə görə minnətdarlığını bildirib. Polşanın məşhur ali təhsil ocaqlarından birinin rəhbəri kimi hər iki ölkənin təhsil mərkəzləri ilə əməkdaşlığın inkişafına hərtərəfli dəstək verməyə hazır olduqlarını qeyd edib.

Görüş çərçivəsində Elmar Qasımov və professor Tadeuş Slomka ilə hər iki ali təhsil müəssisəsi arasında “Anlaşma Memorandumu” imzalanıb.