“Son 10 ildə Azərbaycanda 2500-dən çox məktəb binası tikilib, əsaslı təmir olunub. Məktəblərin maddi-texniki bazası gücləndirilib. Büdcədən təhsilə ayrılan vəsaitin həcmi artırılır”. Lent.az-ın məlumatına görə, bunu “Sabahın alimləri” II Respublika müsabiqəsinin açılış mərasimində çıxışı zamanı təhsil naziri Misir Mərdanov bildirib.
Nazir onu da vurğulayıb ki, 2008-ci ildən başlayaraq respublika məktəblərində kiçik akademiyalar yaradılıb. Həmin akademiyalar tədricən formalaşıb, inkişaf etməkdədirlər.
“Azərbaycanlı şagirdlər 5 ildən artıqdır ki, İNEPO beynəlxalq müsabiqəsində iştirak edir. Bütün görülən işlər “Azərbaycan gəncliyi 2011-2015-ci illər dövlət proqramı”na yönəlib. Bizim bu cür müsabiqələrin keçirilməsində məqsədimiz ondan ibarətdir ki, məktəblər təhqiqat aparmaq şagirdlərin sayını daha da artırmaq, onlarda təhqiqatçılıq vərdişlərini aşılamaqdır” - deyə, M. Mərdanov əlavə edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
