Fevralın 14-17-də Ordu şəhərində Beynəlxalq Qaradəniz Turizm sərgisi keçiriləcək. Lent.az-ın məlumatına görə, sərginin təşkilatçıları Türkiyənin Mədniyyət və Turizm Nazirliyi, Ordu Valiliyi və Türkiyə Səyahət Agentlikləri Birliyidır (TURSAB).
MİRAS Mədəni İrsin Öyrənilməsinə Kömək İctimai Birliyinin və Heritage Travel Turizm Şirkətinin nümayəndə heyətləri həmin sərgiyə qatılmaq üçün fevralın 12-də Ordu şəhərinə yola düşəcək. Nümayəndə heyəti Azərbaycanın turizm imkanlarını, turizmin inkişafında son illərdə əldə olunan yenilikləri, turizmin yeni növləri ilə bağlı ölkəmizdə aparılan işləri sərgi ziyarətçilərinin diqqətini çatdıracaqlar. Bundan ötrü, bir sıra audio və video materiallar, nəşrlər, bannerlər, tanıtma vəsaitləri Ordu şəhərinə aparılacaq.
Qeyd edək ki, MİRAS İctimai Birliyinin Musiqi Qrupu da tədbirdə çıxış edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
