Hərraca çıxarılan bələdiyyə torpaqlarının satış qiyməti necə müəyyənləşəcək?

Dövlət Torpaq və Xəritəçəkmə Komitəsinin sədri Qərib Məmmədov Azərbaycanda hərrac yolu ilə satışa çıxarılan bələdiyyə torpaqlarının satış qiymətlərinin hansı formada müəyyənləşməsini açıqlayıb. Lent.az-ın məlumatın görə, Q. Məmmədov jurnalistlərə açıqlamasında deyib ki, Azərbaycanda torpaq qiymətləndirilməsi 1998-ci ildə Nazirlər Kabinetinin verdiyi 158 və 53 saylı qərarlara əsasən həyata keçirilir: Torpaqlar normativ qiymətlərə uyğun olaraq hesablanır. Normativ qiymətlər torpağın təbii bonitet balı və dinc, əkin, örüş əmsalları nəzərə alınmaqla hesablanır. Bələdiyyələr də bunları əsas götürərək normativ qiymətlərin aşağı olmaması şərtilə torpağa qiymətlər qoyur və ərazilərdə olan torpaqları satışa çıxarırlar".