Bu il 4 sınaq imtahanı keçiriləcək

“Bu il Azərbaycanda 4 yeni sınaq (təkrar olmadan) imtahanı keçiriləcək. Yəni sınaq imtahanlarının məzmunu biri-birini əvəz etməyəcək ”. Lent.az-ın məlumatına görə, bunu Tələbə Qəbələ üzrə Dövlət Komissiyasının sədri Məleykə Abbaszadə bildirib.
Onun sözlərinə görə, təkrar keçirilən sınaq imtahanlarına gələnlərin sayı çox olmur. “Uşaqlar təkrar sınaq imtahanlarına ona görə yazılırlar ki, valideynlərə öz bilik səviyyəsi haqqında yanlış məlumat versinlər”.

TQDK sədri deyib ki, bu il bəzi qabiliyyət tələb edən ixtisaslara qəbul buraxılış imtahanlarının nəticələrinə əsasən aparılacaq.