![[b]Bu gün bu saatlarda milli parklara giriş pulsuzdur[/b]](https://lent.az/storage/news/2019/march/03/big/961fa0f60033f02117af3662ebf47cd1.jpg)
3 mart - Ümumdünya Vəhşi Təbiətin Mühafizəsi Günü ilə əlaqədar milli parklarda bu gün "Açıq qapı" günü keçirilir.
Lent.az-ın Trend-ə istinadən məlumatına görə, Ekologiya və Təbii Sərvətlər Nazirliyinin mətbuat katibi İradə İbrahimova bildirib ki, bu gün bütün milli parklarda ziyarətçilər giriş haqqından azad ediləcək:
"Açıq qapı" günü səhər saat 09:00-dan axşam saat 18:00-dək davam edəcək. Məqsəd ölkənin milli parklarının turizm potensialını turistlərə göstərmək, onların iştirakı və bilavasitə köməyi ilə xüsusi mühafizə olunan təbiət ərazilərini geniş təbliğ etməkdir".
İ.İbrahimova vurğulayıb ki, "Açıq qapı" günlərinin bundan sonra da əlamətdar tarixlərdə keçirilməsi nəzərdə tutulur.
Xatırladaq ki, Azərbaycanda 10 milli park - Abşeron, Altıağac, Şahdağ, Samur-Yalama, Şirvan, Hirkan, Ağgöl, Göygöl, Qızılağac, Zəngəzur Milli parkları var.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
