Azərbaycan Respublikasının Prezidenti yanında Gənclər Fondunun dəstəyi ilə “24 kadr” adlı film festivalı keçirilir. Bu barədə Lent.az-a layihənin rəhbəri Aygün Əliyeva məlumat verib.
A.Əliyevanın sözlərinə görə, filmlər minimum 1, maksimum 15 dəqiqə olmalıdır: “Gənclər arasında keçirildiyindən 35 yaşa qədər hər kəs filmlərini təqdim edə bilər. Dekabrın 5-də müsabiqəyə film qəbulunun sonuncu günündür. Filmlər peşəkar aktyor və rejissorlar tərəfindən qiymətləndiriləcək. Sadəcə obyektivlik naminə adlarını açıqlamırıq. Beş nəfər münsif olacaq. Qaliblər dekabrın 15-nə qədər açıqlanacaq. İndiyə kimi 10 film təqdim olunub. Mövzu sərbəstdir”.
Qeyd edək ki, “24 kadr” adlı film festivalında birinci yeri tutan 700, ikinci 500, üçüncü yerin sahibi 300 manat məbləğində pul mükafatı qazanacaq. Ən yaxşı aktyor, rejissor və ssenari işinə görə 100 manat mükafat nəzərdə tutulub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
